ШУТИС-ийн Гадаад хэлний сургуулиас жил бүр уламжлал болгон зохион байгуулдаг 15 дахь удаагийн “Япон хэлний өдөрлөг” 2022-2023 оны хичээлийн жилийн хаврын улиралд 4 дүгээр сарын 07, 12-ны өдрүүдэд Гадаад Хэлний Сургууль, Мэдээлэл Холбооны Технологийн Cургуульд тус тус зохион байгуулагдлаа. Тус өдөрлөгийг нээж Гадаад Xэлний Cургуулийн Cургалт чанарын албаны дарга А.Болормаа үг хэлэв.
Уг өдөрлөгт япон хэлний 1, 2-р дамжааны оюутнууд дуу дуулж, бүжиг бүжиглэн мэндчилгээ дэвшүүллээ.
Энэхүү өдөрлөгийг япон хэл сурч буй болон япон хэл сонирхож байгаа оюутан залууст японы соёл, урлагийг танилцуулах, түгээн дэлгэрүүлэх улмаар суралцах хүсэл эрмэлзлийг төрүүлэх, оюутнуудын харилцааг хөгжүүлэх, оюутнуудын бие даах идэвхийг өргөжүүлэх, мэргэжилээ сурталчлах зорилгоор зохион байгуулдаг.
Өдөрлөг нь уран бичлэг, манга, юката өмсгөл, цаасан нугалбар, тоглоомын гэсэн соёлын булангаас бүрдсэн. Мөн дээрх булангуудыг үзэж сонирхсон оюутан залуусын дунд “АХА” тэмцээнийг зохион байгуулж, азын сугалааг зохион байгууллаа. Уг өдөрлөгийг ШУТИС-ийн Гадаад Хэлний Сургуулийн япон хэлний ангийн 1,2 -р дамжааны оюутнууд ерөнхийд нь зохион байгууллаа.
Тус өдөрлөгийн үйл ажиллагаанд идэвхтэй оролцсон Гадаад Хэлний Сургууль, Мэдээлэл Холбооны Технологийн сургуулийн багш, ажилчид, мөн нийт оролцсон оюутнууддаа талархал илэрхийлж, сурлага хөдөлмөрийн өндөр амжилт хүсье.
ГХС-АСС
ЯПОН ХЭЛНИЙ БАГ
2023.04.17
