1995-1996 оны хичээлийн жилээс япон-англи хэлний инженер орчуулагчийн анги нээгдэж, Орос судлалын тэнхимд харьяалагдан япон хэлний сургалтыг явуулж эхлэв.

1998 онд Япон хэлний тэнхим бие даан байгуулагдаж, тэнхимийн эрхлэгчээр багш Ж.Гантөмөр томилогдон ажиллав. 2002 оноос Япон хэлний профессорын баг болон өргөжиж, профессорын багийн тэргүүлэх профессороор доктор У.Цэцэгдулам, С.Оюундэлгэр, Э.Сайнбилэг, доктор, дэд профессор Д.Алтанцэцэг нар ажиллаж байв.

2002-2003 онд англи-солонгос хэлний анги нээгдэж, Орос хэлний тэнхимд харьяалагдан солонгос хэлний сургалтыг явуулж эхлэв. 2002 оноос Орос хэлний тэнхимийг өргөтгөн Орос, монгол судлалын профессорын баг байгуулагдаж, тэргүүлэх профессороор доктор, дэд профессор Г.Томтогтох томилогдон ажиллав. Улмаар 2005 онд Солонгос судлал, хавсрага хэл шинжлэлийн профессорын багийг тусад нь байгуулж, профессорын багийн тэргүүлэх профессороор доктор, дэд профессор Д.Болд ажилласан. Мөн доктор Б.Дэдэрмаа, доктор Д.Ганчимэг нар ажиллаж байв

2006 онд Монгол судлалын профессорын баг байгуулагдан бие даан үйл ажиллагаа явуулж эхэлсэн ба  профессорын багийн тэргүүлэх профессороор доктор, дэд профессор Г.Томтогтох томилогдон ажиллав. 2009-2010 оноос Техникийн мэргэжлийн орчуулга-хятад хэл мэргэжлээр анхны элсэлтээ авч, хятад хэлний сургалтыг Монгол судлалын профессорын багт харьяалуулах болсон.

2014 оноос Монгол судлалын тэнхим болж, тэнхимийн эрхлэгчээр доктор, профессор Г.Томтогтох, доктор, дэд профессор Д.Алтанцэцэг нар ажиллав.

2014 оны ШУТИС-ийн бүтэц зохион байгуулалтын өөрчлөлтөөр Япон, Солонгос судлалын профессорын багууд, Монгол судлалын профессорын багаас Хятад судлалыг багаас салган нэгтгэж, Ази судлалын тэнхим болгон өргөжүүлсэн. Тэнхимийн эрхлэгчээр доктор, дэд профессор Ч.Туул, доктор Л.Чойжилмаа нар ажилласан.

2019 оноос Монгол судлалын тэнхимийг Ази судлалын тэнхимтэй нэгтгэсэн. Тэнхимийн эрхлэгчээр доктор, дэд профессор Л.Чойжилмаа, 2020 оноос доктор, дэд профессор С.Бархас ажилласан. 2021 оноос Ази судлалын салбар болгон өргөжүүлж, салбарын эрхлэгчээр доктор Ц.Эрдэнэзаяа ажиллаж байна.

Эдүгээ Ази судлалын салбар нь 24 профессор багш, 2 ажилтан, 6 мэргэжилтэн, 7 гэрээт нийт 39 хүний бүрэлдэхүүнтэйгээр сургалт, судалгаа, олон нийт, оюутанд үйлчлэх үйл ажиллагаа явуулж байна. Багш нарын 10 буюу 38% нь доктор /Ph.D./-ын зэрэгтэй, 1 багш профессор, 3 багш дэд профессор цолтой.  Ази судлалын салбарт Япон, Солонгос, Хятад улсаас мэргэжилтэн багш нар тогтмол ирж хамтран ажилладаг.