ШИНЖЛЭХ УХААН, ТЕХНОЛОГИЙН ИХ СУРГУУЛЬ

МЭРГЭЖИЛТЭН БАГШ НАРТАА ХҮНДЭТГЭЛ ҮЗҮҮЛЛЭЭ

2023-05-31 02:46 admin

ШУТИС-ийн ГХС-д 2019-2020 оны хичээлийн жилээс Япон улсаас ирж ажилласан япон хэлний мэргэжилтэн багш Тамура, 2022-2023 оны хичээлийн жилээс БНХАУ-аас ирж ажилласан мэргэжилтэн багш Жан Көюү нар нутаг буцах болсонтой холбогдуулан ГХС-ийн захирал, салбарын эрхлэгч, багш нар хүлээн авч уулзан хүндэтгэл үзүүлэв. ГХС-ийн Ази судлалын салбарт 2022-2023 оны хичээлийн жил Япон улсаас 1 мэргэжилтэн, БНХАУ-аас 1 мэргэжилтэн, БНСУ-аас 3 мэргэжилтэн багш /цахим/ тус тус хамтран ажиллалаа.

Мэргэжилтэн багш нартай хамтран ажилласнаар багш нарын заах арга, мэргэжил мэдлэгт, суралцагчдын япон, солонгос, хятад хэлний мэдлэг, чадвар эзэмшихэд, япон, солонгос, хятадын ёс уламжлал, соёл түүхийг таниулахад бодит хувь нэмрээ оруулдаг давуу талтай.

ГХС-ийн хамт олны зүгээс мэргэжилтэн багш нартаа чин сэтгэлийн талархал илэрхийлэхийн сацуу цаашдын хамтын ажиллагаа болон эрдэм судлалын үйлсэд нь өндөр амжилт хүсье.

ШУТИС-ГХС

Ази судлалын салбар

2023.05.30