Япон хэлний уран илтгэлийн тэмцээн

Сургууль хоорондын япон хэлний уран илтгэлийн 25 дахь удаагийн тэмцээн 2019 оны 10-р сарын 26-ны өдөр амжилттай зохион байгуулагдлаа. Япон хэл суралцагч оюутан залуусын хэлний мэдлэгийг дээшлүүлэх, япон хэлний сургалт явуулж байгаа их дээд сургуулиуд хоорондын харилцааг  өргөжүүлэх, мэдээлэл солилцох зорилго бүхий уг тэмцээн хоёр үе шаттай явагдснаас 2-р шатанд 8 их, дээд сургуулийн 10 оюутан шалгарсан.

Уран илтгэлийн тэмцээнийг нээж Монгол улсад суугаа Япон Улсын ЭСЯ-ны нэгдүгээр нарийн бичгийн дарга Ичиока Акира, Монголын Япон хэлний багш нарын  холбооны тэргүүн Э.Батжаргал нар мэндчилгээ дэвшүүлж үг хэлэв.

Тус тэмцээнд ШУТИС.ГХС-ийн япон хэлний ангийн оюутан Г.Нямгэрэл амжилттай оролцож 2-р шатанд шалгарсан. Тэмцээний нэгдүгээр байрт МУБИС-ийн  оюутан Б.Ундрал шалгарч JENESYS хөтөлбөрөөр “Япон улсад аялах эрхийн бичиг” гардан авлаа.

Уран илтгэлийн тэмцээний зохион байгуулалтын ажилд ГХС-ийн Ази судлалын тэнхим идэвхтэй оролцож, тэмцээн амжилттай өндөрлөлөө.

Ази судлалын тэнхим